PyiGyiKhin

ပြည်ကြီးခင်အဖွဲ့နှင့် ပဲန်မြန်မာတို့သည် အဂတိလိုက်စားမှုတိုက်ဖျက်ရေးကော်မရှင်နှင့် ၂၀၂၀ခုနှစ်၊ ဩဂုတ်လ ၁၇ရက်နေ့တွင် တွေ့ဆုံ၍ လွတ်လပ်စွာရေးသားထုတ်ဖော်ပြောဆိုခွင့်နှင့် သတင်းအချက်အလက်ရပိုင်ခွင့်ဆိုင်ရာ အကြောင်းအရာများကို ဆွေးနွေးခဲ့သည်။ ပဲန်မြန်မာ မှ ဥက္ကဋ္ဌ ဆရာ ညီပုလေး၊ ဒါရိုက်တာအဖွဲ့ဝင် ဆရာ စောဝေ၊ ပဲန်အင်တာနေရှင်နယ် ဒါရိုက်တာအဖွဲ့ဝင် ဆရာမ မသီတာ (စမ်းချောင်း)၊ ပြည်ကြီးခင်မှ ဆရာ သန့်လွင်ထူး နှင့် ဆရာ သိန်းထိုက်ဦးတို့က ဦးဆောင်၍ ဆွေးနွေးခဲ့ကြပြီး အဂတိလိုက်စားမှုတိုက်ဖျက်ရေးကော်မရှင်မှ ဥက္ကဋ္ဌ ဦးအောင်ကြည် နှင့် ကော်မရှင်အဖွဲ့ဝင် (၄)ဦး၊ ညွှန်ကြားရေးမှူးချုပ်များနှင့် ညွှန်ကြားရေးမှူးများ တက်ရောက်၍ ပြန်လည်ဆွေးနွေးခဲ့ကြသည်။